کشمیر میں کسی بھی کمیونٹی کے مذہبی جذبات کو ٹھیس پہنچانے کی اجازت نہیں دیں گے: آئی جی پی وی کے بھردی

سرینگر، 06 جون: کشمیر کے انسپکٹر جنرل پولیس (آئی جی پی) وی کے بھردی نے جمعرات کو کہا کہ پولیس نے گورنمنٹ میڈیکل کالج (جی ایم سی) سرینگر میں مذہبی جذبات کے خلاف حساس مواد پوسٹ کرنے کے واقعے کو سنجیدگی سے نوٹ کیا ہے اور جو بھی اس میں ملوث پایا گیا اس کے خلاف سخت کارروائی کی جائے گی۔

مقامی خبر رساں ایجنسی سے بات کرتے ہوءےآئی جی پی کشمیر نے کہا کہ جموں کشمیر پولیس تمام مذاہب اور مختلف فرقوں اور عقائد کے لوگوں کا احترام کرتی ہے۔ "ہم نے اس واقعے (جی ایم سی سرینگر میں) کو سنجیدگی سے نوٹ کیا ہے۔ کیس درج کیا گیا ہے اور تحقیقات جاری ہیں،” انہوں نے کہا۔

آئی جی پی نے کشمیر نے عوام سے اپیل کی کہ وہ ایسے افواہوں کا شکار نہ ہوں جو قانون و نظم کی صورتحال کو خراب کرنے کی صلاحیت رکھتی ہوں۔ "ہم کسی کو بھی کشمیر کے فرقہ وارانہ ڈھانچے کو نقصان پہنچانے کی اجازت نہیں دیں گے،” انہوں نے کہا۔

دریں اثناء پولیس نے کہا کہ جی ایم سی سرینگر کے ایک طالب علم کی طرف سے ایک خاص کمیونٹی کے مذہبی جذبات کے خلاف حساس مواد پوسٹ کرنے کے بعد، ایک فوجداری کیس، ایف آئی آر نمبر 13/24، دفعات 153، 153 اے، 295 اے، 505، (2) آئی پی سی کے تحت پولیس اسٹیشن کراناگر میں 6 جون 2024 کو درج کیا گیا ہے۔

"عام لوگوں سے اپیل ہے کہ وہ افواہیں/جھوٹی معلومات پھیلانے سے گریز کریں۔ وہ سماج دشمن عناصر کی جھوٹی پروپیگنڈا کا شکار نہ ہوں۔ جو بھی اشتعال انگیزی/اکسانے میں ملوث پایا گیا اس کے خلاف قانونی کارروائی کی جائے گی،” پولیس نے کہا۔